Hvaða reglur gilda um drónaflug?
Við fáum oft spurningar frá drónaáhugamönnum um hvaða reglur gildi um drónaflug á Íslandi. Við höfum tekið saman helstu reglur Samgöngustofu sem gilda um drónaflug á Íslandi.
Helstu reglurnar eru þessar:
- Óheimilt er að fljúga dróna hærra en í 120 metra hæð yfir yfirborði án sérstaks leyfis frá Samgöngustofu.
- Óheimilt er að fljúga drónum innan tiltekinna fjarlægða frá svæðamörkum flugvallar án leyfis frá rekstraraðila flugvallarins. Þó þarf ekki sérstakt leyfi ef aðeins er flogið neðar en hæstu mannvirki í nágrenni flugferils drónans.
- Alltaf þarf leyfi frá rekstaraðila flugvallar ef fljúga á innan svæðamarka flugvallarins.
- Stjórnendur dróna eru ábyrgir fyrir notkun þeirra og því tjóni sem þeir kunna að valda.
Nánari upplýsingar má finna á vef Samgöngustofu.
Einnig má þar finna þetta handhæga plagg með ábendingum og tilmælum um drónaflug. DJI Reykjavik mælir eindregið með því að drónaáhugamenn fylgi þessum tilmælum.
